Home ఆరోగ్యం వాకింగ్ చేస్తే ఇన్ని ప్ర‌యోజ‌నాలా..?

వాకింగ్ చేస్తే ఇన్ని ప్ర‌యోజ‌నాలా..?

0

ఆరోగ్యంగా ఉండేందుకు మనం ప‌లు మంచి అలవాట్లపై ప్రత్యేక శ్రద్ధ చూపాలి. కొంచెం అజాగ్రత్త వ‌హించినా అనేక రకాల వ్యాధులకు గుర‌వుతాం. ప్రతి రోజూ ఉదయం మేల్కొన్న తర్వాత వాకింగ్ చేయ‌డం ఉత్త‌మ అలవాటు. ఇది మనల్ని అనేక రకాల వ్యాధుల నుండి దూరంగా ఉంచడానికి సహాయపడుతుంది. నడక ఆరోగ్యాన్ని ఎంత‌గా ప్రభావితం చేస్తుందో ఇటీవలి శాస్త్రీయ పరిశోధనల్లో వెల్ల‌డ‌య్యింది.

గుండె ఆరోగ్యంగా ఉండటానికి
గుండె ఆరోగ్యంగా ఉండటానికి, మీరు కార్డియోప్రొటెక్టివ్ ఆహారాన్ని తీసుకోవాలి. నడక వల్ల హృద‌యానికి సానుకూల ప్రయోజనం చేకూరుతుంది. నడక వలన రక్త ప్రసరణ మెరుగై త‌‌ద్వారా గుండె జబ్బుల నుండి రక్షించడంలో స‌హ‌కారం అందుతుంది. అందుకే మీ జీవితంలో వాకింగ్‌ను త‌ప్ప‌నిస‌రి అలవాటుగా మార్చుకోండి.

ఎముకల బలోపేతానికి
ఎముకలను బలోపేతం చేయడానికి కాల్షియం అనే పోషకం ఎంతో అవసరం. అలాగే ఎముకలను బలోపేతం చేయడానికి నడక కూడా చాలా సహాయకారిగా ఉంటుంది. దీనికి గ‌ల‌ శాస్త్రీయ కారణాన్ని అర్థం చేసుకుంటే న‌డ‌క అవ‌స‌ర‌త ఎంతో తెలుస్తుంది. నడక ఎముకలను బలోపేతం చేస్తుంది. ఎందుకంటే శరీరంలోని అన్ని ఎముకల‌కు నడక వల్ల త‌గిన వ్యాయామం అందుతుంది. అలాగే ఎముకలలో ఉన్న ఒక ప్రత్యేక రకమైన‌ ద్రవం ఉత్తేజిత‌మై ఎముక‌ల‌ను బలోపేతం చేయడంలో చురుకైన పాత్ర పోషిస్తుంది.

మంచి మూడ్ కోసం
లాక్‌డౌన్‌ సమయంలో మీరు నిరాశ మరియు ఒత్తిడికి గుర‌యివుంటారు. అందుకే ఇంటినుంచి అలా బయటకు వెళ్లడం ద్వారా నూత‌నోత్తేజం ల‌భిస్తుంది. రోజూ 15 నుండి 20 నిమిషాల పాటు బహిరంగ వాతావరణంలో నడవడం వల్ల తాజా అనుభూతి సొంత‌మ‌వుతుంది. మీ మానసిక స్థితిలో ఉల్లాసం చోటుచేసుకుంటుంది. మాన‌సిక‌ ప్రతికూలతల‌ను అధిగమించడానికి నడక ప్రభావవంతంగా ఉంటుందని రుజువ‌య్యింది.

బరువు తగ్గటానికి
పెరిగిన బరువు టైప్ 2 డయాబెటిస్ మరియు క్యాన్సర్‌కు కారణమవుతుందని నిపుణులు చెబుతుంటారు. అందుకే బరువును నియంత్రించడానికి మీరు ఆహారంపై ప్రత్యేక శ్రద్ధ వహించడం ఎంతో ముఖ్యం. అలాగే, 20 నుండి 25 నిమిషాలు క్రమం తప్పకుండా నడవడం అలవాటు చేసుకోండి. త‌ద్వారా బరువు అదుపులో ఉండేందుకు చాలా సహాయమందుతుంది.

మెదడు
మనసు ఆరోగ్యంగా ఉండటానికి నడక చాలా ముఖ్యం. అది మనలో సానుకూల ఫ‌లితాల‌ను అందిస్తుంది. నడక వల్ల రక్త ప్రసరణ బాగా జరుగుతుంది. మెదడుకు తగినంత మొత్తంలో రక్తం సరఫరా అవుతుంది. ఫ‌లితంగా బ్రెయిన్ స్ట్రోక్ ప్రమాదాన్ని కూడా చాలా రెట్లు తగ్గించవచ్చు. ఇన్నిప్ర‌యోజ‌నాలు ఉన్నందునే ఉదయం,సాయంత్రం వేళ‌ల్లో క్రమంతప్పకుండా నడవడం అలవాటు చేసుకోవాలి.

Exit mobile version